【本報訊】港大法律學院公法講座教授陳文敏曾指，未聞有國家訂立國家安全法時，「個草案係巿民連睇都冇得睇，睇到時已經係通過咗嘅法律」，律政司司長鄭若驊亦指不知道條文細節。惟資深大律師湯家驊卻批評，三度發聲明促港府應在法案生效前公開條文內容的大律師公會，指其聲明充滿挑釁性及製造恐慌，「如果你睇到條條文係咁寫，我都會原諒你，我哋𠵱家連條文都未睇到。」大律師公會副主席葉巧琦反駁湯家驊的批評，指公會只是就法律上的疑問提出合理質疑：「（之前）大家都睇唔到具體條文內容，點解你（湯家驊）叫人唔使擔心就一定啱，我哋就一定錯？」
大律師公會日前第三度就國安法發聲明，提出多項憂慮，包括國安法若非以普通法實施，特區法官、大律師和律師難以解釋，再促港府在法律生效前公開內容，行政會議成員、資深大律師湯家驊昨於商台節目批評公會製造恐慌：「作為一個負責任的專業團體，如果時不時要發聲明，我希望佢哋嘅聲明唔好充滿住挑釁性，或者製造恐慌，或者將件事無盡放大。」
湯稱放附件三非首次
湯護航指，今次是新立一條法案，而非修改《基本法》，「唔係修改中國對香港政策方針」，「內地法例放喺香港法例嘅附件三都唔係第一次，國旗法國徽法駐軍法同最近國歌法，唔同形式都有」，他稱不明白既然並非第一次，「點解跳出咁多問題出嚟？」
湯家驊再斥公會對港版國安法很多假設「唔應該作出」，例如假設條例修改了《基本法》，質疑毫無事實根據。
■記者呂浩然