【本報訊】陪伴港人31年的港台節目《頭條新聞》昨播出今季最後一集後落幕，會否有新一季仍是未知之數。今集三位主持人繼續嘻笑怒罵諷刺時弊，田北辰、黃耀明等名人先後亮相。田預言，節目因越過「持平、唔好太娛樂化嘅『紅線』」，不會再有下季；黃耀明則選唱《自由之夏》，吳志森慨嘆「喺13年遇到咁多風雨、批評，我覺得呢一場美好嘅仗，打過、打完。我可以挺起胸膛同人講，呢場仗我打得唔錯。」
記者：張文鈴
《頭條新聞》晚上8時播出，主持的新話題圍繞「國安法」，「豹頭」羅啟新拿着木棒放在身後「持械執法」，指「呢個只係『指導制亂』，文明執法，人性管理，亦即係無罪都推你入去先」。
田北辰暗指無下季
今集邀請港區人大田北辰加入新角色「田大人」，田開首明言不少人對港台有意見，令《頭條新聞》首當其衝成箭靶。他謂港台是公營而非私人娛樂機構，「用公帑時最好係表達意見保持住條線，唔好去得太盡」。被問是否已過了「紅線」，田說：「越過咗條公共廣播應該持平、唔好太娛樂化嘅『紅線』。」至於節目下季能否繼續？田北辰即說，「冇得返啦！應該整個（新）節目」。
黃耀明在節目中選唱新歌《自由之夏》，指當權者以恐懼管治香港，籲大家不要被恐懼打敗，「呢隻歌係1980年代韓國民主運動好重要嘅運動歌，所以我覺得唱呢隻歌好有意思，將唔同地方嘅人團結埋一齊」。
節目最後以三位主持在鋼片琴上敲打節目片頭音樂作結，並隨後在fb專頁直播。不少網民感謝主持和節目團隊的堅持，道出港人心聲，令港人苦中作樂，期待將來有緣再會。
吳志森、曾志豪料今集將是最後一集，2007年已加入節目的吳志森被問到對這一刻的感受，他說：「喺13年遇到咁多風雨、批評，我覺得呢一場美好嘅仗，打過、打完。我可以挺起胸膛同人講，呢場仗我打得唔錯。」
港台表示，《頭條新聞》新一季暫未有時間表，需待檢討小組完成檢討才決定。港台節目製作人員工會則指，節目針砭時弊，與普羅市民同哭同笑，是香港言論自由的寒暑表，希望處長履行承諾，以專業態度安排節目未來去向。