對阿仙奴一戰俾隊友艾達臣摩拉斯出迎撞傷嘅曼城年輕中堅艾利加西亞，證實冇大礙出院。曼城周三大勝阿仙奴3:0，完場前10分鐘發生「火星撞地球」，加西亞經軍醫入場治理幾分鐘後由抬擔架離場，隨後送去醫院檢驗，以防腦震盪。曼城翌日發官方聲明，證實呢位19歲西班牙小將已出院，冇耐後，艾達臣都喺ig分享一張相，係佢同艾利加西亞握手，仲寫住「好番，返嚟喇」。