英超終於回歸，利物浦首場比賽會喺下周日作客愛華頓。但據《鏡報》講，紅軍翼鋒穆罕默德沙拿有機會因傷唔踢得。報道話呢位埃及球星缺席咗上周四同布力般流浪嘅閉門友賽，直至周三訓練同樣冇現身。至目前為止，利物浦對於沙拿嘅狀況仍然保持沉默，但預計領隊高普會喺今日賽前記招，提及呢名埃及球星狀況。好消息係喺友賽受傷嘅阿歷士張伯倫，已喺周三參加訓練。