現年26歲的ViuTV「32D爆乳小花」楊偲泳，去年和無綫藝人張振朗公開認愛，雖然兩人從不放閃晒幸福，但日前她接受《蘋果》專訪時大方談及男友，談到兩人既沒有合作又分屬不同電視台，何以能牽引在一起？楊偲泳說︰「緣份，我覺得好神奇，生命突然出現咗一個人，下一步要好好珍惜，努力經營。」拍拖以來兩人從不公開放閃，楊偲泳解釋︰「一向都低調，生活因工作多限制，想保留私人空間，大家舒服就得，我哋冇刻意迴避任何人。」
雖然愛得低調，但楊偲泳亦大讚張振朗是位貼心男友：「佢好珍惜我哋相處時間，有時佢半夜收工返到屋企，但依然會出嚟同我食個消夜，一啲好細微嘢，對我好窩心，睇得出大家關係有幾重要。」楊偲泳坦認跟張振朗感情穩定，但談婚論嫁言之尚早，不過慶幸大家信念一致，以結婚為目標齊齊努力。
採訪：卓寶花
攝影：沈健程
場地提供：Morokok