【軸芯人物】
大人愛車，連小孩也會學爸爸變車迷，對他們來說，車就是似個放大的遊樂場，特別如Land Rover這類車種，更是極好玩的遊樂場。放假時，阿B都會駕着這部自己改裝的1976 Land Rover LightWeight，帶太太及兒子四圍去野餐，沒有冷氣，囝囝都沒有埋怨。
「我將架車改成一架旅行車咁，方便帶小朋友出去郊外玩。」阿B的Lightweight原本是軍綠色的，現在變成天藍色，感覺更leisure，再加裝白色硬頂，似架放大版的玩具車。他更在車頂裝了自製的旅行架，去衝浪時可放上心愛的滑浪板。車頂兩旁加了可捲起的天幕，戶外野餐時，拉出天幕，不怕曬也不怕淋雨。「我仲喺車尾門加咗條扶手繩，方便小朋友上上落落。」
雖然沒有冷氣，也沒房車坐得舒服，但他的兒子卻非常鍾情這部老爺車，爬來爬去，又把單車都放在車尾箱中。「我同阿仔出去玩，係同佢相處，再同我鍾意嘅車一齊出去，兩全其美。」
七十年代引擎 上斜要快
他說，這部車的揸法跟普通棍波車一樣，只是動力心臟是七十年代的引擎，加上車身重量，上斜有點吃力。「有時去到公路、上斜，就要好似揸巴士、貨車一樣，知道前面有斜路，就最好喺平路時畀夠速度，準備衝上去。」
六十年代初，英軍希望用直升機空運汽車，可惜當時的直升機最多只能負重2,500磅，而那時最輕的Land Rover Series IIA 88吋也重達2,900磅。英軍就以此車為藍本，不斷偷輕和改良，終於變成眼前的Land Rover LightWeight。「當時由硬頂改成軟頂，重量輕得多，又可以輕易拆除；而且擋風玻璃、門都可以喺短時間裝拆。」比起Land Rover Series IIA 88吋，LightWeight的車身闊度縮小了四吋，也少了起角凸出位，更易上到貨機與火車。「兩者嘅引擎同車陣其實係共用，不過LightWeight嘅車陣強化咗，用料更厚，剛性更強。」
三字頭轉行 由零開始砌車
阿B回憶起小時候，家住新界村屋，剛好有個派出所。「成日都有呢類警車出現，細個覺得佢好貴，一定唔會買得起，同比較神秘。」從小就愛拿起架生裝裝拆拆的他，年少時卻跑去做飲食，為養家而沒有一個適合的機會入行整車。
「當時決定轉行係34歲，而家做復修車做咗4年。」那年剛好遇上復修汽車專家Andy Li，得悉Andy在找人幫忙，膽粗粗上門拜師。「當年轉行絕對有擔心，太多未知數。但我今次唔take呢個機會，只係將件事越嚟越拖落去，更加冇機會行出來。」
學燒焊、修補車身、大維修引擎波箱、整全車的電路、後期的美化，甚至要人手重新製造新零件。「而家基本上學晒，可以將車由零開始，拆散，裝返，都可以行得。」後悔沒及早轉行的他更說，早些跳出來就不用浪費青春，「飲食嘅辛苦同整車嘅辛苦，我會嚮往整車嘅辛苦多好多。」
採訪：梁苡珊
攝影：高梓軒