澳洲足總計劃喺7月16日重開澳職球季，喺28日內完成剩番嘅27場常規賽，之後踢埋五場季後賽。賽會宣佈咗會為全部球員做病毒檢測，同埋復賽後會有新規則。另外就係球季停擺嗰陣出咗83%人工嘅球員，都同意咗喺球季剩餘嘅時間減人工。至於唯一位於新西蘭嘅澳職球隊威靈頓鳳凰（圖），亦都同澳洲傾吓可唔可以放寬入境嘅限制。