林嘉欣拍老公袁劍偉執導的電影《死因無可疑》，前晚兩人齊齊現身尖沙嘴謝票。林嘉欣自爆有場打秋生的戲，因自己大頭蝦令秋生慘被真打：「拍嗰陣係冬天，我唔記得放咗熱水壺入袋，拎住個袋係咁打落秋生個額頭，未cut時我一直打。拍完先醒起個水壺，同秋生講一萬個對唔住，見佢匿埋捽咗好耐，好慘。」
同場的陳家樂與湯怡於戲中有激烈床戲，湯怡坦言兩人有默契，但踢爆他不喜歡拍攝後檢討，陳家樂說：「平時唔熟嗰時，拍完就拜拜，今次佢係咁問我覺得點，仲話我啲鬚拮到佢好痛，我聽完個心都揦住，好似我表現好差。」記者笑問女友連詩雅是否也不喜歡鬚根？他尷尬說：「冇冇冇，一般女仔箒。」
採訪：盧妹
攝影：葉君海