車路士翼鋒赫臣奧杜爾係第一個確診武漢肺炎嘅英超球員，佢喺上個月因為同性感女模短聚之後，反被個女仔告佢意圖強姦，當時警方以涉嫌強姦嘅罪名拘捕奧杜爾。上周六呢位19歲英格蘭球員終於喺twitter度話自己絕對清白：「現階段世界各地都發生緊大事，可能大家都知道之前有一啲針對我嘅指控。我一直都係保持沉默，亦喺調查過程中全力協助警方。經過全面徹查之後，警方確認咗唔會採取進一步行動。」在經過三個月嘅停擺後，英超將會喺下周恢復正式比賽，有英國傳媒報道，由於奧杜爾受咗輕傷，同埋冇喺對陣雷丁嘅友賽上陣，雖然傷勢唔嚴重，但相信佢唔會喺復賽後嘅第一場波正選上陣。