曼城右閘基爾獲加呢1、2年多次出軌，為佢生咗三個仔女嘅正印前女友Annie Kilner，近日喺訪問中透露可能會再俾呢個「球壇賤男」最後改過自新嘅機會。Annie話：「由於佢所做嘅事，我哋永遠都唔可能同過去一樣。」不過佢隨後話自己擺脫唔到對獲加嘅愛：「我係深深咁愛佢，亦都永遠愛佢。我嘗試去憎佢，但我點可以憎細路嘅老竇呢？喺不忠之前，佢依然係我最好嘅朋友、知己。」其實，Annie喺經濟上仍然好靠獲加提供：「雖然我對自己單身後嘅將來充滿信心，但為咗三個細路嘅將來，我準備再俾佢最後一次機會。我知道佢可能仲會再出軌，但已經冇比其他女人『有咗』嘅消息更衰。」