葉劉接受德國之聲訪問，最後發晦氣，斥責對方有偏見。
偏得過你葉劉？一句：「There is no such thing as police brutality in Hong Kong.」嘩，撈偏都撈唔出一句這樣抹黑祖國的謊言。
學古龍講句：施主，我又何必來，你又點解唔走呢？再聽下去，只會越問越激心，越答越噁心。若我是主持人，就質問質到死人唔使本。講多無謂，開場：
「呢位阿婆，今年貴庚啊？係唔係怕無飯開啊？」
「阿婆？我六十九，在國家領導人當中，已屆退休之年，但在港共政府，仲有好多貢獻香港。邊個話你聽我等錢洗㗎，我身家畀你個記者仔十世都洗唔晒。人生到我這境界，錢唔係大晒，我有我未完的使命感。」
「阿婆，咸豐年咁耐，被人落過面要落台，一直落唔到台，係含住口怨氣做人，只有在武俠小說復仇，才叫使命咁好聽。貢獻？無名氏做義工就叫貢獻，做極權傳聲筒，還要失敗，連想破壞都沒資格，只破壞了香港市容。」
「 不，大把中產中間選民支持我，只要香港人還需要我代表理性選民發聲，無論粉身碎骨，老到變老而不，我也會起來起來保衛國家安全，報效祖國。」
「老而不死是為賊，但你連做賊都要排隊。有你沒你，行政局立法會毫無影響，阿婆你只是香港的笑柄。祖國有看得起過你，要你報效嗎？你祖國自古以來說，四十知天命，阿婆你都七十古稀，點解仲係唔知個命字點寫。一定是耳順之年，對胡說八道恭聽慣了，到了古稀都唔化。」
「化，就唔係我，我係永遠不化的磐石，是疾風中的勁草，低潮時赴美深造，充實自己建港報國。」
「那你為什麼不像韓國瑜在北大深造，是想在美帝治下做探子，跟外國勢力組織攀交情，還是跟港官共官大隊，做個身體誠實的中國人？以你現在的言行，你當時讀的是紙尿片還是衛生巾？」
「你沒家教，我不跟你談了。」
「就係怕你家教極佳，女兒也在美國唸書，跟你相依為命，聽見你一面推銷國安法好國安法妙，同時又說資產可以慢慢撤，她又會怎麼看你？勉強護短太久，會生心病的。」
「我家事關你鬼事，實Q喺唔喺度啊，啊，大大幾時見我。」「阿婆，你係咪精神失常啊，好心啦，你咁鍾意權力遊戲，一係煲劇，一係叫你個孫教你打三國無雙，鍾意效忠邊個都得，得咗。」PK鄧的前前前上司葉劉就此GG了，FF一下都痛快。