袁爸爸毫不管束六名子女，自由放任，唯一不准傷天害理，當年女兒袁彌明選港姐、兒子袁彌昌追隨葉劉淑儀，他沒過問，「人生要佢自己經歷，唔係傷天害理，只不過葉劉係咁嘅格你都黐埋去，冇得講，講得好聽啲one lesson learned。」袁彌昌與建制派容海恩結婚，老爹也沒說甚麼，「據我理解佢哋真係相愛，我覺得兩個人相愛就可以結婚，咁你知道婚姻十居其九都係錯誤，唔係離婚就嗌交。」
他曾與中資華遠合作營商，容海恩父母正是該集團員工，「我見過佢父母親，肯定同共產黨有關係。」不看好這段婚姻？「我話畀你聽，全世界尤其香港離婚率高到飛起，閒閒哋70、80%，我只可以講佢哋fit into average percentage。」如父如子，他本人熬過三段婚姻，不想子女行爸爸舊路？「老實講，我結過咁多次婚，梗係有啲問題。我嘅婚姻唔好佢哋睇到，佢哋都係victim，想唔想行我嘅舊路佢哋自己諗。」
袁弓夷縱橫商界大半生，無所虧欠，就只欠了兒女，「冇盡到老竇責任，𠵱家我可以喺保護方面做返啲嘢，當然好想做，否則好似成世唔係幾啱。」如今保護自己以及別人的子女，拍下短片公開信，傳給特朗普、蓬佩奧、佩洛西、習近平，當中要求美國大學收錄香港手足。如果人生有使命，他的使命可能不是多年來賺取無數金錢，「𠵱家幫𡃁仔、同美國合作，搞掂共產黨、滅咗共產黨可能係我嘅使命。」