【名門暗戰】
【本報訊】賭王何鴻燊上月26日逝世，享年98歲，其長房細女何超雄上月曾入稟高院，要求三姊何超賢提供家族信託的多項資料，前日何超雄再向高等法院存入「知會備忘」，要求法庭勿在沒有知會她的情況下，展開承辦何鴻燊遺產的程序。
接受傳票 盼雙方傾談
超雄兩度入稟，令賭王的遺產再惹關注，甚至傳出長房內訌，而超賢前日對於胞妹兩度入稟高院一事甚勞氣，昨日超賢主動聯絡本報再補充，表示對超雄前日入稟高等法院的「知會備忘」毫不知情，亦與其他長房家族成員了解，她們也是不知情，這個行動純是超雄一人的行為。
超賢說：「佢呢個入稟，冇同我哋商量，係佢自己決定，𠵱家登咗出嚟，我會打電話勸佢，不過佢絕對唔會聽我講，佢性格好硬頸。我想講係唔關大家事，我哋冇一個長房家族成員知道，我有搵過喺英國嘅姪女，佢哋全部都唔知，大家都好莫名其妙，佢咁樣會影響到我哋長房，以為我哋個個都同意，呢個law action係佢自己決定。」
對於超雄上月入稟要求提供家族信託基金的資料，超賢表示之前由於擔心父親的病情，根本沒心機要處理，但已委託律師樓信件回覆，她表示：「我當時同佢講，唔好咁肉酸，咁小嘅事要法庭處理。」
超賢補充會於明天接受胞妹的傳票：「我星期一會accept subpoena（接受傳票），之後等法庭處理，好多時都會case dismissal，叫返我哋雙方傾，同埋我都係嗰句，由頭到尾，家族成員要查閱任何關於信託基金嘅資料，都係歡迎佢哋任何時間帶埋律師嚟睇，而關於資料嘅copy，係關於信託基金嘅confidentiality，係要同律師研究。」
案件編號：HCCA2889/20