身為昔日利物浦隊長，謝拉特喺5月30日正式踏入40歲。利物浦所有球員、教練同一眾工作人員喺訓練之前，就齊齊為謝拉特高唱生日快樂歌，可見謝拉特喺紅軍嘅影響力何其強大。謝拉特曾經講過：「喺我死後，唔好帶我去醫院，帶我到晏菲路球場。我喺嗰度出生，亦要死喺嗰度。」現時一眾紅軍球員亦對謝拉特非常尊重，即使謝拉特未有喺訓練場，紅軍操練前照為謝拉特獻上生日歌（圖）。謝拉特喺得知眾將為自己送上生日歌後，喺ig表示感謝。另外，奧地利盃決賽薩爾斯堡輕鬆以5:0大勝次級聯賽球隊封王，球員捧盃時仍然保持社交距離，場面趣怪，隨時成為利物浦喺英超封王嘅慶祝藍本。