五毛多到有如天上繁星，之前BBC調查報道，大量來自內地嘅假社交媒體賬戶發放假訊息，而作為經常被五毛騷擾嘅黃之鋒，噚日喺facebook開咗個post，貼咗BBC有關報道，仲分享與五毛溝通嘅心得，其中一個叫「黃大能」嘅阿叔喺之鋒fb留言「黃之鋒你收咗幾多錢問心」（圖），結果俾之鋒公開玩佢。
好多睇完呢個黃大能嘅留言，應該都同八方一樣頴晒頭，到底收咗咩錢？又係話之鋒收外國勢力錢？面對五毛，之鋒冇同佢哋鬥鬧，反而好幽默咁，同佢哋分享番近來最輕鬆發大財嘅方法，就係做大頭菜炒家！
有玩《動物森友會》嘅讀者，一定好明白大頭菜價格走勢要好似股市咁睇實，之鋒之後仲話，如果想知fb邊個賬戶係五毛？去睇睇佢嘅留言區就會搵到唔少喇。