【本報訊】政府借疫打壓，過去無間斷在維園六四集會閃爍的燭光，今年變陣燃點。面對中共極權壓港，支聯會被迫地下化的厄運恐或成真，副主席鄒幸彤直指支聯會被冚檔的風險一直存在，「唔合法咪唔合法囉」，強調支聯會不會屈服，不會為了適應遊戲規則而改綱領，「連自己靈魂都冇咗，你﹙仲﹚保住啲咩？一啲核心訴求，建設民主﹙中國﹚、結束一黨專政綱領都唔會變」。
記者：梁穎妍
本身是大律師的鄒幸彤接受本報訪問時指，支聯會被監督甚至被冚檔的風險一直存在，「支聯會都好清楚自己搞嘅嘢，係中國政治法律框架下所謂顛覆國家嘅嘢」，港澳辦與中聯辦自稱不受《基本法》22條規管，形同超然於《基本法》之上，指今次兩辦變相釋法形同直接撕開一國兩制遮醜布。
中共對港板斧 洗腦設框架
鄒認為比起法律條文爭議，更要警惕的是中共在國際形勢下要擔當話事人的大策略：「六四後幾年，相對算韜光養晦啲，唔會太高調惹大家圍剿佢或者反對佢，比較會迎合返國際遊戲規則」，近年則要爭奪主導地位，人權、民主及文化價值惟中共獨尊，亦放棄維持一國兩制假象，「要人聽佢說話，唔再配合返國際嗰套說話，香港同樣係大策略下嘅反映，佢唔再係迎合你定畀佢嘅一國兩制框架」。
投入支聯會工作10年，見盡中共如何打壓維權人士及組織，鄒形容中共對香港「玩嘅板斧都係嗰幾套」，不外乎洗腦：「各種思想，佢講嗰套先啱，好強咁灌輸畀所有人」，以及立法為各組織設下生存框架，「定啲國安法、NGO法、間諜法，各種法律條文框框框死你，你想合法生存咪跟我遊戲規則玩，跟得遊戲規則玩時，好多嘢係做唔到啦已經」，再來配合拘捕及檢控，「總之令你喺成個社會消失咗啦」。
大抓捕已在香港發生，唯一慶幸的是維權律師王全璋一旦被捕就不見天日或秘密受審的「頂層策略」尚未出現，「佢個策略擺喺香港嘅漏洞，就係拉完鎖完你嗰批（支聯會主席）李卓人，拉完你之後搞場大龍鳳、又係放返出嚟又再講嘢」，鄒自言不是預言家，「覺得佢想達到呢個效果，佢會點做真係唔知」，她強調支聯會不會屈服，就算港版國安法下主張「結束一黨專政」有被取締危機，也不會隨便改變綱領，她並指2016年內地實施《境外非政府組織境內活動管理法》後，不少組織都地下化，自從特區政府利用《社團條例》對民族黨施第一刀後，支聯會恐亦遭此厄運，但鄒直言：「唔合法咪唔合法囉，主要係做嘢嘅人係咪存在」。
她以已故諾貝爾和平獎得主劉曉波為例，「國內有咗國安法好多年㗎啦，但劉曉波佢哋都一直繼續做，堅持爭取民主、自由」，堅定說今年六四集會高呼「結束一黨專政」不會成絕唱，面對中共打壓，支聯會水來土掩。