梁潔華於2013年患上急性白血病，在2016年完成五次化療過程後，曾與老公黃日華一起接受資深傳媒人汪曼玲訪問。當時華女憶述確診一刻：「初初以為係感冒，睇醫生打咗支針，點知針口附近瘀得好厲害，又成日都好攰，睇第三個醫生先知血有事。」黃日華續說：「嗰一晚大家都瞓唔到覺，好擔心，好驚，我哋傾咗成晚偈，佢真係好驚突然走咗，要交低晒所有嘢畀我。」
曾經有傳因為醫療的金額龐大，黃日華一度要撲水，在訪問中華女指出事前幾個月剛好續了保險，雖用了300幾萬，但保險賠足。黃日華又指當時考驗極大：「老婆有事，工作又多，嗰陣主要係內地商演，每一刻都會好掛住佢，千祈唔好有事，最怕有電話響，惟有打電話畀佢。」華女亦眼紅紅地說：「佢嗰陣都瘦咗好多，試過有一次朝早搭飛機，半夜12點返嚟，即刻去醫院探我。」華女大讚黃日華是一百分的好老公，而她提到因化療要剃光頭，更表現少女說：「開頭只肯鏟短頭髮，始終貪靚唔捨得。」黃日華指當時安慰她：「我拍戲都成日剃光頭。」但華女嬌嗲地說：「你後生嗰時剃光頭都有喊。」兩夫婦表現恩愛。
撰文：南瓜