曾經被八家公關顧問請食檸檬的鄭市長，搵到七間國際公關肯翻榨，阿彌陀佛諗住可以再恤髮整靚後面。誰知阿爺唔等，出手国安法，保皇鬥賤格，公關出埋食奶力，有冇得做呢？有！
a.搵姓任的過氣財俊代言，鄭市長形容為「短痛」一日跌千三點的恆指，之後有排升㗎，入市愛黨，立即登記，藍絲優先（簽了名那二百幾萬）真金白銀抗美帝、捧紅股。你話，邊有得輸。
b.樓市恐怕像潮汕區魚塘的魚，驚到扎扎跳由湖中躍出嗎？搵689做帶貨網紅，直播八秒，幫你數晒樓按有乜着數。信佢啦，只要唔好揀七樓就大吉。
c.香港一向不缺風水高人，由去年潛水到今天的高人不能再縮了，公關搵齊七大高人開壇，唱好国安法，移民變垃圾，習帝烹煮殺，侵侵杰撻撻。
d.亂引曼德拉「不同版本出處」成國際笑柄，公關拉鄭市長一把，今次引用侵侵名句但戰略性改動一下，事關死的人多，拉的人更多，累計X萬人移民走佬，全球第一，「這是我的榮譽勛章！」