崔碧珈今日32歲生日，受到武漢肺炎影響，她未能到外地工作而被迫留港，不過她表示送上一份特別的生日禮物給自己：「本來呢段時間要去美國拍戲，但因為疫情影響留咗喺香港，唔想浪費時間，就決定抽時間練好每個動作，我一個禮拜練足六日，星期日就畀自己休息同陪媽咪。」
提到練習時要游繩落山而嚇到喊，崔碧珈笑說：「因為我一向有畏高，但以為自己得，又有咁多人陪住，但望落去真係好驚，有成30米，差唔多15層樓咁高，因為我太驚，等咗20分鐘先肯游落去，最唔好意思係要同行嘅人喺烈日當空等我。」至於今年的生日願望，是否盡快找到真命天子？她指自己一向將工作排首位。
採訪：小米