【爆相爆片】張栢芝與謝霆鋒所生的細仔謝振南（Quintus），其就讀的國際學校日前復課，栢芝親自去接細仔放學，之後到沙田開餐，同行還有一名中年阿叔，讀者伍女士透過「爆相爆片」表示邀請40歲的栢芝兩母子集郵，大讚友善兼Quintus好有家教，好溫馨。
教仔要有禮貌
伍女士接受電話訪問表示：「大約近12時，喺沙田新城市廣場見到張栢芝食緊嘢，小朋友個樣好似霆鋒，對面有個男人，我鼓起勇氣行埋去問小朋友：『你要唔要貼紙呀？』有一堆畀佢揀，小朋友揀咗兩張，我話：『咁開心要影相。』因為我企喺餐廳外面，隔住一堵牆仔，栢芝同小朋友講：『你唔可以要婆婆烏低身就你，你要出嚟雙手接過婆婆嘅貼紙。』我聽到好感動。」
從讀者提供相片所見，栢芝戴回口罩後，跟細仔Quintus走出餐廳與讀者合照，伍女士大讚：「栢芝好友善，我啲朋友個個排隊搵佢集郵，佢都逐個影相；有樣仲好笑，我初初問佢小朋友係Quintus定Lucas？佢話『我都要諗一諗，生得太多喇。』」
飯後前往購物
而跟栢芝同行的阿叔，坐在兩母子對面，伍女士說：「栢芝同男人冇親熱舉動，之後佢哋行去對面店舖買嘢，冇拖手冇攬腰，但感覺幾似一家人。」據知該名大叔是栢芝的司機，之後栢芝有在Ig貼短片，但片中阿叔就被消失，只聽到栢芝說：「放咗學食lunch，我好肚餓，暈喇。」、「你同婆婆影張相啦，你要企起身，唔可以要婆婆就你。」栢芝跟前夫謝霆鋒育有兩子謝振軒和Quintus，前年再秘密誕下孻仔「小王子」Marcus，生父身份神秘，惹來不少猜測，有指是新加坡富商或栢芝的英國靚仔工程師好友Leo，而之前栢芝在微博公開一家照片時，「小王子」的淺色頭髮惹來網民熱議，指看似混血兒。
採訪：皓騫