【本報訊】多類公共娛樂場所昨解封，麻雀館一早便坐滿雀友，戴着口罩埋頭大戰四方城。戲院亦有戲迷購票入場，其中導演張堅庭笑言，疫情下不少人被迫留在家中日夜共處，夫妻間也多了磨擦，「戲院開返，可以畀我哋呢啲年紀嘅男人嚟鬆吓、唞吓氣。」
麻雀館昨日中午起陸續復業，一開門便幾乎坐滿人，所有顧客都要戴口罩、量度體溫和消毒雙手，麻雀枱之間有透明膠膜分隔。有女雀友坦言：「過年到𠵱家都冇打（麻雀），（復業）冇咁悶，有得玩吓、消遣吓好開心。」雀友陳先生亦十分雀躍，「開心呀！今朝飲茶等到𠵱家，平時都有打吓衞生麻雀嘅！」
遊戲機中心亦在遊戲機之間裝上隔板，又貼出告示提醒顧客在機旁輪候或觀戰不可多於八人。
戲院昨重開，首天入場觀眾人數未算十分踴躍。導演張堅庭與兩名男友人到銅鑼灣UA戲院捧場，選看《男人之苦—寅次郎返嚟啦！》。他笑言疫情下麻甩佬都留在家中，原本有的佔領地已經被人霸佔，他笑謂有朋友因太太佔用了洗手間，丈夫要靠洗碗盤來「解決」，兩公婆最後嗌交收場，他說：「希望戲院開返，可以畀我哋呢啲年紀嘅男人嚟鬆吓、唞吓氣。」
另有戲院的小食部照常營業，但列明場內不得飲食，觀眾進入戲院大堂前需量體溫一次，購票後入放映廳又要再量一次。
■記者周子惇