武漢肺炎全球肆虐已久，由曼聯外借到阿根廷球會學生隊嘅馬高斯盧祖呢鋪認真唔生性，有人影到佢同朋友開賭，佢唔單止違反咗阿根廷嘅「限聚令」，仲邊賭錢邊煲煙㖭。今年30歲嘅盧祖1月時由曼聯外借到學生隊，目前阿根廷因受疫情影響，全國經已實施「限聚令」，市民既要留喺室內，亦唔可以有四人以上嘅聚會。不過近日網上流傳嘅一段影片，睇到盧祖同至少八個朋友玩啤牌賭錢到凌晨，途中更加煙不離手！呢次佢唔單止會畀當地政府警告，仲可能會受到球會處分。此外，雖然盧祖到六月就完成外借，但目前阿根廷禁止所有航班至9月1日，咁佢最快都要到九月至可以返曼聯。