【本報訊】2019年8月31日，是港人心中的一道傷痕，當日梁耀霆一心只想逃出太子站。後來他以受害人身份走訪多國，游說美國國會通過《香港人權與民主法案》或類似法案，難忘前港督彭定康為香港流淚；他同時站出來入稟高院，希望循民事控告警方非法拘捕和禁錮。「好多人係未放棄同唔會放棄，只係等緊一個合適嘅時機再出嚟」。
梁耀霆，教育大學前學生會會長，8.31赴約途中在太子站被警方以非法集結拘捕，羈押48小時後無條件釋放，至今沒被起訴。他其後入稟高院，控告警方非法拘捕和禁錮。高院早前頒令港鐵交出閉路電視影帶，他收到超過90小時片段後發現，港鐵提供的片段不齊全，再去信港鐵要求交代。
鑑於法庭命令，梁不可披露有關片段的內容。「好遺憾，冇得就咁放出街俾大家睇。」當日他入稟除了想知真相，是「想攞番啖氣，想其他人都可以爭番啖氣，為嗰晚唔公義對待，攞個平反」。
「諗起當晚就起雞皮」
8.31他身穿西裝被捕，身上沒有任何防毒面具或口罩。對於警方口口聲聲揚言有專業判斷辨別他們眼中的暴徒和無辜市民，他不忿指：「我嘅存在意義，已經證明咗警方濫捕係幾咁嚴重、幾咁冇腦。」後來有人提出可嘗試向港鐵索取太子站閉路電視，他姑且一試。「由舊年6月到𠵱家，一直都係香港人大家幫大家，無論係法律上、無論係餐廳老細、無論係學者。」他希望行多一步，可惠及他人。雖然他採取法律行動，但不諱言法治已死，「我覺得係既定事實，拗唔到㗎喇，只係佢死咗，有啲情況下若我仲可以利用佢，我就會去利用」。
那天他在扶手電梯上遭速龍夾擊，整個月台上的市民都不知所措，只盼望「搵個地方、搵條路走得返上去，走得出個車站。」梁每次觀看當晚的片段，都會勾起腦海中的記憶，「會起雞皮，會手震」。「見到上面嗰班防暴衝落嚟，一路揮住棍一路衝落嚟，踩住喺啲人上面；下面又噴緊胡椒噴霧，每個人喺條電梯上都嗌晒救命。」
市民無法忘記那一幕幕的恐怖畫面，每逢21號、31號，仍堅持走上街頭，梁說一日未解決問題，得不到平反，港人仍會堅持發聲，「想我哋靜啲、收聲，冇可能！」
疫症來襲，社會運動近月趨於緩和，有聲音認為凝聚力不如以往，梁坦言沒資格評論任何人，只能說在疫情這艱難時期，學生仍要面對考試、上班一族仍要工作餬口，再加上經濟下滑，「單單要照顧好自己嘅人生，已經要出盡全力。」他認為要照顧好身體和家人，才可待疫情過後再次走上街頭，而他相信亦希望，「好多人係未放棄同唔會放棄，只係等緊一個合適嘅時機再出嚟」。
現時他仍會搭港鐵，訪問當日他也是搭港鐵到太子站與記者會面，記者問他不怕被追問為何仍付款給港鐵嗎？他坦言，只是出身普通基層家庭：「咁我窮吖嘛，我仲係學生，半價」，一天可省去20多元。港鐵少收的20多元，可以用在其他有用的地方。