自由倒下，淪為囚牢，會變成香港的命運？噚日5月4號，五四精神代表反抗陳舊、崇尚自由民主、抗拒愚昧無知。今年係五四運動101周年，中國沒有變得更自由，極權魔爪更將自由嘅香港越扼越緊。
署名「一群香港人於一百零一年後的五四」嘅手足買咗《蘋果日報》頭版廣告，全白背景下，「自由」染紅倒下，下面寫住「當自由變成罪，我們已退無可退」，而呢個頭版廣告又再次成為另一個畀市民二次創作，表達對民主、自由、法治嘅堅持。
尊子馬龍齊參與
有份發起創作嘅90後藝術家喺fb話，相信暴政下嘅港人都有深刻體會，所以邀請市民自由創作，上載去社交媒體，分享對「明日香港」嘅感受。八方喺fb搜尋#dontjailfreedomhk，就可以睇到一系列市民集體創作，除咗市民，藝術家、文化工作者，連尊子、馬龍亦加入二次創作行列，壹傳媒創辦人黎智英亦創作佢嘅A1，「毀我法治自由 我一無所有」，八方相信呢個肯定係大多數港人嘅心聲。
李八方