China Tang推出逆巿優惠，先由美食女神Agnes謝嫣薇的報導傳到自己眼耳，爾後享受以口鼻。
聽錯？讀錯沒有？China Tang名菜片皮鴨$668一隻，變了$168？不減則已，一減少了500塊錢，真係大手筆；名店確有名店風範，絕非一蚊雞之流薑蓉豉油貴過隻雞！
片皮鴨只是名副其實型仔星廚Menex眾多拿手名菜其中一樣，其他菜式一款比一款讓閣下心花怒放。
限聚令下，間間餐廳開得半間鋪，逆巿優惠的吸引力唔講得小，港人快速兼實惠品性一覽無遺；稍有名氣一般價錢餐廳門庭若巿，長龍不見邊；星廚名店例如China Tang，ZEST，和牛薈，半島酒店旗下餐廳……等等，訂位鈴聲不絕於耳，幾乎要使橫手，以「識人好過識字」法則搵有關朋友出手才得奪四個位子；幾乎每年生日上Gaddi's 的習慣，今年無奈訂不到位子需轉場。
八人一個Party呢？得，請移玉步1.5 米，隔空聚餐，對枱談天說地，以港人慣常擘大喉嚨聲線，乍聽好些餐廳似乎旺過舊時，負責人話：有聲好過冇聲，以前聽見人客聲浪稍稍提高即皺眉頭，怕影響其他「貴客」，而今人客聲浪簡直定海神針，見證生命力頑強，待疫情稍退，好日子定必回頭。
巿區餐飲業如此，連遠在流浮山歡樂酒家四人一桌、四人一桌舉筷、舉杯之慶亦甚墟冚。剛剛瞓身后海灣日落，未到黃昏7點，海鮮專門店人人激讚的招牌炸子雞已售罄……唔好意思呀，老友記，熟客訂位之餘乘勢訂埋隻炸子雞，此雞貨源珍貴，政府限聚，我哋限量，真係唔好意思！
銅鑼灣謝斐道和牛薈同樣風景墟冚，該店貴賓卡、恒生卡付款優惠下，貴氣山形和牛廚師發辦套餐Omakase 80% off，50% off有之，精製和牛漢堡或三文治平素珍而重之，如今大快朵頤，A5和牛壽喜燒配白松露吃出愛意來，全皆原價$1398十道菜包含的內容；老老實實，價錢還是其次，回饋巿場於逆巿，看着各式推廣始覺香港作為美食之城名不虛傳，過去低調貴氣經營的隱形星廚名店漸次浮出水面，跟港人同度時艱。