第三屆最港電影大獎昨日公佈賽果，共頒發六個獎項，眾得獎者在接過獎項後，都有一番動人的得獎感言。
【最港電影】《叔．叔》
導演楊曜愷：獎項經投票選出，意義重大。呢部戲係同志議題，我相信好多投我嘅人，都未必係同志，證明唔一定要係同志，先會欣賞同志議題嘅電影。
【最港導演、評審團最港大獎】黃綺琳《金都》
黃綺琳：知道《蘋果》呢個獎係頒獎畀最港嘅電影，所以好想得到。好想自己第一套戲，係關於自己嘅社區，好貼身嘅一啲事。
【最港男演員、最港女演員】劉俊謙、蔡思韵《幻愛》
劉俊謙：對我演員生命嚟講，每一次參與唔同嘅作品，都係一個經歷嚟。今次就係好深刻咁認識到精神病患者嘅世界。
蔡思韵：好受寵若驚，因為呢個獎係要有唔同嘅評審啦，同埋真係觀眾去投票得出嚟，所以真係冇諗過自己可以攞。
【我最喜愛港片】《花椒之味》
導演麥曦茵：今年或者舊年都發生咗好多事，希望呢套電影可以陪伴到觀眾一啲時間，同可以治癒一啲傷口。