黃智雯昨日現身商台宣傳，表示正為新劇籌備，今次是她首度飾演拆彈專家，角色需要常穿小背心：「最近唔可以去健身室，搵教練單對單訓練，重點練上半身，希望同過往角色有唔同體態，𠵱家邁向成功，蠢蠢欲動。」新劇要穿拆彈裝，她說：「真實套制服有70至80磅，拍攝時會調校減輕啲。」影后惠英紅做對手，黃智雯稱不敢怠慢兼有壓力，會向對方學習。
近日被揭偷食的黎振燁和朱智賢，兩人先後公開現身拆彈，被網民鬧爆。謝東閔以好友身份撐朱智賢而被封「綠帽俠」，黃智雯說：「成年人感情交畀佢哋處理，朋友會支持鼓勵，我哋有約謝東閔食飯，但都知佢有啲事處理，希望可以快啲敍舊。」
採訪：卓寶花
攝影：陳俊強