現年38歲的前港男吳雲甫和瑜伽導師林瑋如（Jackie）今年3月結婚，他昨日在Ig公佈造人成功：「今次可能係我哋2020年最後一次玩acro yoga，因為吳太個肚越來越大，又越來越重，我應該托唔起佢啦！睇吓2021年，我試吓一家三口玩三人瑜伽。𠵱家先三個月，即係仲有六個月左右畀我度動作，同幫BB改名！」
吳雲甫貼出與太太齊齊做瑜伽的短片，片中見到吳太肚凸凸，吳雲甫雙腳撐起太太，她向後拗腰與老公反身咀嘴，溫馨之餘，亦不禁令人抹一額汗。
拜神求子成功
吳雲甫接受《蘋果》訪問，問到今次是否計劃中的事？他笑說：「算係，前年我個妹去拜神求子，之後真係畀佢求到，到咗舊年佢去還神，我同Jackie一齊去，咪順手拜一拜，跟住就成功咗喇！」問到太太目前的陀B情況，他說：「佢嘔到七彩，嘔到冇乜氣力同心機，呢排因為疫情冇乜班教，我間中喺戶外教健身，所以乘機畀佢唞吓！」提到片中的高難度動作，他說：「我哋已經練咗好多次，事前已經諗好晒啲唔會整親嘅動作，而且都認識啲產前嘅瑜伽同運動，所以安全。」
造人成功當然開心，不過新生命的誕生亦有另一種喜悅，無綫前主播「小飛俠」林燕玲與才俊老公葉浩文的B仔一個月大，葉浩文貼文宣佈兒子的中英文名分別叫葉星辰及Konrand：「你滿月了，爸爸媽媽祝你健健康康、快樂成長！」相中兩父子酣睡，相信由林燕玲拍攝。
陳偉成仔滿月
此外，陳偉成（Avis）分享了囝囝滿月相，他透露已經請楊天命為囝囝改名陳朗瑜，英文名叫Adrian。雖然囝囝出世後撞正限聚令和停業令，本身有做健身院及美容院生意的Avis，停業期間有損失，不過他表示剛好利用這段時間陪太太坐月湊仔，期望下周五可復工，加把勁賺奶粉錢。
採訪：唐琛悠、陳杰