【本報訊】武漢肺炎肆虐加上港府實施限聚令，令網購平台疫市彈起。專營雜貨食品速遞的「好生活」適逢去年年底面世，市場定位主打香港、台灣製造的中高檔糧食雜貨，力撐本土品牌。與別不同之處在於其所售的，不僅是一件商品，更是一份久違了的人情味。
為年輕人提供就業機會
「呢間網店當初定位係，專注揀做本土同台灣品牌，而棄用大陸貨，係源自對質素嘅要求。」好生活的總監黃潔瑩（Dorothy）毫不遲疑道。
Dorothy原為一公司的市場營銷管理層，直至去年社會運動爆發，她辭去高薪厚職，投資約200萬元開設這個網購平台，並為一眾年輕人提供就業機會，「嗰陣我覺得，可以為呢班年輕人做到乜？諗吓諗吓，就認為網店係最能結合到我同年輕人專長嘅地方」。
翻開好生活網頁，平台特設香港製造及台灣食材等專頁，裏面全是坊間少見的食材及醬料，如荔枝窩的黃薑粉、本土釀製的豉油、大澳製造的醬料，還有本港釀製的氈酒；每樣產品，Dorothy均能細說品牌背後的每個出處。而最令她難忘的，是一次悅和醬園老闆的仗義相助。
Dorothy憶述，某次悅和醬園的頭抽特別受歡迎，店內恰巧貨存不足，但卻急於出貨；焦急的她慌忙致電遠在古洞的醬園欲再加單，但醬園豉油亦剛好賣光，新製好的則仍未入樽，「做生意最緊要講信譽，嗰陣心諗死啦，去邊度搵貨畀個客呢？」豈料翌日早上，醬園老闆特地駕車運來頭抽，令問題迎刃而解。
「我收到支豉油，摸落去仲係暖；佢明明冇責任幫你，但都盡做。呢份恩情，你係記一世。」Dorothy認為，有人情味、有良知，靈活多變，這才是擁有香港人精神的經濟圈。
初初創業，難免遇到困難，但Dorothy卻搖頭表示，營運雖難，但仍遠遠不及堅持初心困難，「難係難在，有啲自己唔認同佢哋理念嘅客，想嚟攞貨。我哋咁細一間舖，明知接咗張單，就可以走捷徑，加快擴充步伐，但最後都會提醒自己，搞舖頭初衷係乜」。
記者：潘曦