【本報訊】樓市升溫，大批準買家趁五一黃金周「報復式」搶樓，新盤旺爆，二手樓價再被扯高。多個大屋苑疫市下連錄多宗高價成交，沙田第一城及鰂魚涌太古城率先見今年破頂價。荔枝角美孚新邨在假期首日，半日已錄三宗成交。將軍澳南豐廣場有撻定貨重售，業主多賺18萬元。
記者：朱連峰
十大屋苑四日長假期錄逾1,000組客預約睇樓，區區現睇樓人潮。第一城昨單日錄五宗成交，三房重上1,200萬元水平。美聯翁凱傑說，5座高層A室，實用819方呎，屬東南優質三房戶，4月12日才放盤，原叫價1,280萬元，放盤約半個月，「象徵式」減價8萬便以1,272萬元沽出，呎價15,531元，樓價創屋苑今年新高，與去年同呎數成交歷史高位1,350萬元僅低78萬元，相差不足6%。
美孚新邨半日售3伙
屋苑對上一宗同呎數成交，為4座高層B室，1月以1,088萬元售出，呎價13,284元。相隔三個月，今次成交賣貴184萬元或17%。第一城最近交投和成交量明顯急升，4月暫錄近50宗成交，是2018年來成交最多的一個月。
中原林家傑指，二手旺爆，美孚新邨昨半日已錄三宗成交，全屬三房，買家均為換樓客。他指過往假期的睇樓高峯期一般是中午過後，「（準買家）食埋lunch先出嚟」，但買家驚無盤，昨晨九時半已有人睇樓；而在中午前，區內有約七成地產代理需要外出帶客睇樓。
太古城綠楊閣中層C室三房戶，實用897方呎，成交價1,820萬元創屋苑今年新高。此單位獲兩間主要銀行估值僅1,619萬及1,762萬元，較造價低最多201萬元或逾一成。另明宮閣高層F室兩房則王以1,200萬元沽，創今年同類單位新高，四個月回升120萬元。
南豐廣場有單位一個月內賣兩次。美聯物業黃少明稱，南豐廣場5座低層G室兩房戶，實用面積375方呎，4月10日原以608萬元售出，買家因疫情關係睇淡後市，決定撻定20萬元離場。單位4月27日重新放盤，三日內獲承接，成交價606萬元。雖然樓價賣平兩萬，但計及殺定，業主料多賺18萬元。
嘉湖錄250組睇樓客
嘉湖山莊長假期錄250組客預約睇樓，中原王樹明稱，由於不少業主叫價硬淨，平價盤不多，且新盤價錢相對吸引，令部份二手客轉投一手；因此嘉湖旺丁未旺財，昨截至傍晚僅一宗樂湖居7座高層G室三房成交，售價608.8萬元。
啟德剛錄得首宗開放式二手成交，為龍譽1B座中層C室，實用228方呎，剛售580萬元。原業主2017年3月買入價488萬元，持貨三年SSD鬆綁即沽貨，升值19%。