逾千宗武漢肺炎確診個案中，較早期的多是小型家庭聚會感染。本港第47號病人黃伯日前受訪，自言曾於1月底出席12人親友飯敍，席上另一名男士亦確診，兩人被列入屯門家庭飯敍群組。黃伯出院後已減少聚會，最憂心影響家人健康，「𠵱家我同太太食飯會分開晒啲餸嚟食，（同親友）成兩個月都無見。」
今年67歲的黃伯與太太及女兒同住屯門良田村，自入院以來最擔心家人會否感染，「𠵱家我同太太食飯會分開啲餸食，少啲出街，以前一星期會同啲兄弟姊妹見一次面，現在成兩個月都無見。」
反覆發燒 嗅覺怪異
他憶述2月初出現喉嚨痛及發燒，多次求醫後仍病情反覆，「唔係日日燒，隔一日食抗生素，消咗，但第二日瞓醒又嚟過，我心諗無理由咁奇怪。」後來他輾轉被送往屯門醫院，「（醫生）話我個肺花咗」。
入院初期，黃伯曾一度出現嗅覺怪異情況，「係聞啲味道唔好。」他表示，住院期間除了嗅覺怪異外，肝功能的肝酵素亦偏高，「瘦咗幾磅，開頭因為食利托那韋，無乜胃口食嘢……每日都要抽鼻液、喉嚨、抽血、大小便、照肺，開頭7至8日樣樣做齊」。黃伯住院14日後已康復出院，坦言現在會更注意清潔。