不少人指在港夾band難搵食，加上RubberBand立場鮮明，過去幾年已「絕迹」內地，但阿偉稱：「我又唔覺喺香港完全搵唔到食 ，睇你想搵食搵幾大，喺香港夾都好開心，可以唱到想唱嘅歌，講到想講嘅嘢，已經好好。」阿偉指RB各人皆有自己範疇，如6號做導演，泥鯭及阿正也有做幕後音樂工作，大家為生活及追夢各自努力。
RB原定本月出碟及在西九舉行音樂會，但因疫情延期，其實整個演藝圈也因疫情停頓，不少人手停口停，問到政府有否出力幫手？阿偉無奈謂：「有一個所謂嘅立法會議員，但永遠代表唔到我哋，佢完全唔熟悉，梗係想有幫助，但冇人代表，所以大家有機會記得去投票，好好珍惜，投返一票啱嘅，搵返一個啱嘅人。」