香港去年經歷逆權運動，直至近日武漢肺炎爆發，香港的娛樂圈幾近陷入停擺，台前幕後更手停口停，但近日業界似乎有復蘇迹象，繼張敬軒早前宣佈11月在紅館開騷後，梁漢文（Edmond）昨日在社交網宣佈，將於10月底假紅館舉行第5次演唱會，Edmond表示現時已開始籌備和錄新歌，他又指如果到時疫情的情況有變，將會另有安排。
抱正能量生活
Edmond昨日在社交網留言宣佈將於10月底開騷：「今日有好消息同大家公佈！YEAH！公司通知我，已經定好今年10月尾會喺紅館開我第五次個人演唱會！如果疫情一直轉好，我會唔會係香港第一個歌手喺紅館開番演唱會呢？大家同我一齊集氣！10月尾生活回復正常，我們於紅館相見！」留言中Edmond更拍了掃街買零食、墨魚、生腸的短片，並笑說：「𠵱家我去慶祝吓先，買晒我鍾意食嘅嘢，一次食爆佢。」
對於10月底開紅館騷，Edmond受訪時說：「我覺得應該抱住正能量繼續生活，唔可以因為疫情就像世界停頓咗一樣。所以當初公司同我商量話入紙，我都好贊成，行咗先，做咗先，咁紅館又批咗，就當一切正常，努力籌備一個精采騷，等疫情過去。𠵱家乜都未定㗎，只係定咗個期，呢排開始約開會籌備，仲有錄緊新歌。」
望日日零感染
問到是否有信心疫情能遏止？Edmond說：「我估唔係我一個人對疫情要有信心，全世界都要對疫情抱有信心，每一個人都希望可以返去正常生活。所以我咪叫大家一齊集氣啦，希望好快香港日日零感染，我哋都可以正常生活啦，咁當然公司都做好兩手準備，如果到時疫情真係大爆發，就會另有安排。」
撰文：黃曉妍