賭王三房千金何超蓮2015年和比她年長12歲的台灣男歌手吳克群分手後，去年承認與內地演員竇驍拍拖。日前超蓮接受森美和火火主持的商台節目《公子會》訪問，講家庭及事業，更提及過往的一段情受創傷，不少人猜測是指前度吳克群。
超蓮憶述：「有次發生咗啲事，發現呢個人係好唔尊重我，食飯時突然我媽話『阿妹，我見到啲咁嘅嘢，係咪發生咗啲唔好嘅嘢定係點樣？』好心痛影響埋我屋企人，我唔應該一意孤行同呢個人一齊，之後好快就分手。」超蓮不諱言事情多次發生，每一次都給對方找藉口，她又承認年輕時輕易相信對方：「咪就係儍囉！同埋佢好識講嘢，明明件事佢好主動去傷害我，佢都講到件事本身係合理。」森美問是否拈花野草？超蓮說：「係啦！真係好儍，直頭係浪費咗好耐。」
撰文：葉綠悠