武漢肺炎疫情全球肆虐，搞到世界各地聯賽要停擺，其中喺英超拋離第2位曼城25分嘅榜首利物浦，衝擊第一座英超冠軍出現阻滯，諗住現實世界未袋到冠軍，喺虛擬世界都攞番個補償吓都好，但估唔到喺英超電競盃決賽都要輸畀狼隊。話說上個禮拜六嘅英超電競盃決賽，由阿歷山大阿諾特（TAA）「率領」嘅利物浦對迪亞高祖達嘅狼隊，結果狼隊前鋒迪亞高祖達同埋利物浦右閘阿歷山大阿諾特喺首場比賽踢成1:1平手後，要以「黃金入球」制再踢一場，結果賽前被視為大熱門嘅迪亞高祖達全場佔盡優勢，直至下半場67分鐘終於攻破阿諾特嘅大門，總比數贏2:1贏得冠軍，難怪賽後祖達高舉雙手狂歡。