李雨陽近年轉營小食店，去年11月跟友人在深水埗元州商場開泰式快餐店，不過因武漢肺炎嚴重打擊飲食業，令其快餐店生意變差，最近他決定退股，連同其投資的觀塘廣場食店已於上月尾執笠，幾年間已蝕逾30萬。育有2歲多囝囝李頌天的李雨陽，正懷孕的太太預產期在9月，李雨陽要諗計賺奶粉錢，但暫時只有香港開電視節目《Fit開有條路》。
李雨陽昨日回覆《蘋果》說：「我同太太決定元州商場間舖都唔做喇，會退出，現有股東頂埋，都搞緊轉名手續。」他表示雖然蝕入肉，但依然樂觀面對：「蝕咗天天嘅三年教育基金，嚟緊天天要返學，學費都甘。生活就係咁，唔想都要接受，我哋好彩，有本事蝕，感恩開電視有工開。」
採訪：陳杰