【本報訊】袁國勇日前批評有官員輕視武漢肺炎疫情，形容是「唔見棺材唔流眼淚」。他昨日兩度就言論致歉，「唔好意思我用啲咁激烈嘅字去講呢件事（疫情），我只係話傳染病佢嗰個攻擊力同傳染性，係大到唔係一般人可以了解到」。
袁國勇解釋，現時最擔心是對輕微患者進行檢測不夠，以致未能斬斷傳播鏈，憂慮病毒在社區中傳播，造成很大危機。他主動就早前「唔見棺材唔流眼淚」言論致歉，說是太擔心疫情發展，用詞太激烈，「喺度同各位道歉一聲，有時我太竧，用啲詞語太過激烈，我唔係有心，唔知係咪我心裏面係好緊張，睇見情況唔可以樂觀先至係咁」。
指傳染病可短時間暴升
袁國勇指出，數年前伊利沙伯醫院爆發抗萬古霉素腸道鏈球菌感染情況，「開頭唔係好多單，點知一檢測成二千幾宗受感染」。他表示，傳染病可在短時間由好少宗增至上千宗，「係我哋呢啲做傳染病見過晒咁危險情況，我哋就好緊張，加上又年紀老啦，（所以）用咗啲咁激烈嘅字眼」。
袁國勇還表示，其他疫情嚴重的國家，例如英國、美國很多官員，甚至是政府最高層，「佢哋真係好麻木，甚至我哋香港有啲官員都係咁諗，所以唔好意思，我用啲咁激烈嘅字去講呢件事（疫情），我只係話傳染病佢嗰個攻擊力同傳染性，係大到唔係一般人可以了解到」。
■記者張文鈴