【本報訊】人稱「蔡太」的蔡陳葆心（圓圖），縱橫股壇超過40年，也曾是獅子行忠實粉絲，不過面對滙控（005）史無前例不派息，這名鐵粉接受訪問時亦宣告投降，「認輸算數唔好再搞」，等機會合適「清理一下賣咗佢」。
逾88歲的蔡太，60年代開始參與股票市場，任出市代表數十載，亦曾出任聯交所副主席兼理事會成員。
「滙豐本來係香港人愛股，聖誕鐘買滙豐。」她說多年來都是揀以股代息，其間又供股又碎股，所以目前實際所持股數亦記不清。談及集團股價持續下跌，「由百幾蚊跌到現在咁，大部份人都冇哂心機……呢隻股真係輸得好慘。」她本來已疊埋心水，只收股息當好過銀行存款接近零厘，「少少哋都冇問題呀」，豈料現在連息也不派，「我心都淡」。
自言年紀大「等到幾時？」
會否寄望明年恢復派息？蔡太自言年紀大，「再等落去等到幾時？我都係認輸算數」，認輸，即係伺機放售，「賣咗佢唔好再搞」。
見證滙控由光輝走向式微，她亦質疑如此大機構「因乜事（股價）會跌到咁？是否揸Fit人好渣呢？定係唔想要你哋（散戶）呢？」
去年初她接受本地媒體訪問時，還表示仍持數萬股滙控，又謂若股價跌至低位約60元或會考慮增購。
記者：劉美儀