疫情重挫經濟掀起裁員潮，商台以裁員為由，前日解僱服務20年的DJ蘇耀宗（細So），他當晚原定在家中主持的節目《生活日常》也被腰斬，無緣跟聽眾講再見。有指細So被炒是因為防疫期間提及「在家工作」的意見，頂撞上司而出事，另外又因減薪問題，疑得罪商台行政總裁陳靜嫻（Rita）。曾任商台主持的杜汶澤前日在面書貼文撐細So，凌晨再爆粗鬧陳靜嫻。
阿澤寫道：「Rita你自己on X得㗎！經濟唔好炒人，有乜理由連人哋最後一日節目都唔畀做呀？你幾多歲至學識講大話呀？唔畀人返去開咪你唔係驚人哋爆X你呀嘛？人哋真係要咁做，唔識自己出post咩？」阿澤直指陳靜嫻不尊重聽眾，再加多句：「我就放長雙眼睇吓你呢鑊過唔X過到骨！」
怕惹誤會刪留言
阿澤言論相當火爆，不過貼文很快已刪去，《蘋果》昨日向阿澤了解，他表示：「除咗因為大家以前係同事，更加心痛嘅係，點解電台可以對聽眾咁不負責任。嬲到瞓唔着，所以出咗個post。我份人嬲完就算，所以臨瞓刪咗個post，怕人哋誤會細So周圍講電台壞話。」
此外，商台DJ阿檸亦在面書貼文，讚細So在他心中是一個好有智慧的老師，又指細So做事有堅持：「佢認為正確嘅事，據理力爭，就算唔係為自己，係為同事，佢永冇手軟。」
採訪：陳杰