由徐天佑、吳海昕和劉俊謙主演的ViuTV新劇《二月廿九》，近日成為網上熱話，劇集今日開始播出最後五集，不少網民更紛紛估結局劇情。導演羅嘉駿昨日接受訪問時直言：「結局未剪好，仲討論緊點處理。」據悉天佑在今日播出的第六集表白，不過在劇中周旋於三角戀的吳海昕卻指現實會揀劉俊謙。
兩大免費電視台ViuTV及無綫齊於上周一同一時段，推出只得十集的穿越劇集《二月廿九》及內地穿越劇《慶餘年》打對台，雖然《慶》劇收視因疫情得益，但討論度遠遠不及《二》劇。以現代純愛穿越作題材的《二》劇，最初有不少觀眾覺得像早前播出的台劇《想見你》，但觀眾發現劇情不大相似，劇集也獲不少網民讚好，就連視后田蕊妮大讚好睇，更說自己睇到喊。
天佑想Ryan成功
吳海昕飾演的女主角Yeesa周旋在徐天佑飾演的暖男Ryan，與劉俊謙飾演的cool爆余家聰之間。吳海昕日前在Ig做網上調查，結果有六成人選擇Ryan，吳海昕昨日接受《蘋果》電話訪問，她表示現實中會揀余家聰：「因為我本身年紀大過角色幾年，所以我心境比女主角成熟啲，鍾意啲男仔係會令到我成長。」
獲得過半數網民支持的天佑，昨日回覆《蘋果》表示：「我都想我嘅角色Ryan成功，咁真係要多謝大家先啦！」至於是否有信心贏無綫？天佑說：「無謂比較，我哋一班年輕有熱誠嘅團隊想拍一套好劇，觀眾自然會識睇。」
身兼監製及導演的羅嘉駿是一位年輕的90後，今年只有29歲，他昨日接受《蘋果》電話訪問說：「梗係開心啦，好驚訝咁多觀眾鍾意，始終係我第一套。其實我𠵱家好擔心，因為仲有5集未播。」至於今晚第六集的劇情，據悉會去到2018年的聖誕節，天佑飾演的Ryan更會有一個表白。
「人工少過場記」
劇中有不少對白滲透反修例運動抗爭金句，例如第三集就出現「解散學會、刻不容緩」，神聖幾何學會成員也大叫「缺一不可」，羅嘉駿表示：「唔會直線去抽擊任何嘢，我覺得任何藝術創作都係反映現實世界。」羅嘉駿更透露現時結局未剪定，因當初拍攝時間太趕，他說：「大家都未有糧出，我哋未計好條數，因為到𠵱家都未剪好，好多人都好驚訝。雖然結局定咗，但仲討論緊點處理。」他又表示劇照budget不高：「我嘅人工一定係少過一個場記！」其實羅嘉駿與編審黃智揚就是因budget不夠，要在劇中客串演道士。
除了田蕊妮讚好睇，劇集在網上討論度甚高，有網民大讚ViuTV再拍了一部好劇：「全部新臉孔，但戲味十足，劇情引人入勝。」無綫前新聞主播姚雋彥也在社交網有感而發：「看完今晚一集《二月廿九》，心情很沉重，如果你穿越去了2047年的香港，你會做甚麼？又會否後悔過去一年，自己沒有做些甚麼？」
採訪： 嵐山、皓騫