ViuTV旅遊節目《金剛旅神團》上周開播，當中四位「旅神」陳俞希（Hailey）、沈殷怡（Shirley）、余逸思（Yoshi）及練美娟（娟姐）日前在九龍灣接受《蘋果》專訪，正如節目中一樣，四人聚集便嘈到拆天不停鬥嘴互窒，她們笑指可以再剪輯多15集「旅神喧嘩鬥嘴番外篇」。
讚金剛敬業
Yoshi與娟姐在節目到訪二手賣買交易店，顧客帶有紀念價值物品交換，娟姐說：「本來我想拎自己牙齒，因為衞生問題唔得，之後我拎咗件初戀物品交換。」Yoshi踢爆說：「件物品就係我哋中學時，去旺中買嘅20蚊戒指。我就拎咗個可以通靈嘅沙槌。」結果兩人物品也引不起老闆興趣交換。
Hailey指節目提供不少CP值高貼士，例如介紹超巨型飯糰店，令窮遊旅客能飽住肚玩。雖然拍攝時氣氛總是嘻嘻哈哈，但有一日令整個團隊都不敢開玩笑，Hailey說：「我哋去咗吉祥寺參加貓節，嗰度有好多貓嘅物品同藝術品畀大家買，但拍攝當日金剛隻貓有啲問題，大家都好擔心佢嘅情緒。」眼見金剛拍攝時強忍淚水，仍堅持專業完成拍攝，令眾人都敬佩他的專業，最後得知金剛是收到好消息，令大家替他開心。
採訪：馬建華
攝影：沈健程