【本報訊】每逢示威均耗盡警力大圍捕的港警，來年大肆擴軍。警務處長鄧炳強辯稱，目前警方應對反修例運動的「踏浪者行動」未完結，「只要一有機會『暴徒』就會出嚟違反社會安寧」，休班警仍會繼續獲安排配備警棍及胡椒噴霧，警隊目前人手緊張，來年要增加2,500多名人手，約510人是「藍帽子」機動部隊警員。有議員質疑政府目的為壯大警隊，打壓港人自由。
鄧說現時常規機動部隊有七個大隊，每隊約170人，希望來年增加多三個大隊，令五個陸上總區，可各有兩個大隊執勤。即使日後遇「暴亂」，都可出動常規大隊，不必動用各區巡警。來年財政預算案警隊增撥三億元增購保護裝備和武器，預計每位警員添置裝備約需一萬元，「萬幾蚊唔係一個好大嘅數目」。
破案率低 諉過反修例
警隊去年破案率低，鄧諉過新增案件多屬反修例有關罪行：「犯法嘅人大部份都係着黑衫、蒙晒面，打爛晒CCTV，令偵破比較困難。」
立法會議員陳志全則指，現時整體罪案率高，說的不是反修例案件，而是打劫等罪行，「佢本來應該處理打家劫舍嘅罪行、巡邏疏忽咗，佢就偷換概念，反修例衝突好多時係佢過度部署衍生」。
立法會議員林卓廷質疑，鄧炳強增加人手是為讓警隊膨脹，「佢呢個一哥咪做到『超級警務處處長』囉。特首林鄭都講自己一無所有，係得三萬警隊，即係鄧炳強變成『影子特首』，佢話點就點」。
■記者陳詠恩、張文鈴