【本報訊】荔景大樓病人家屬之一的潘先生，數年前曾捐肝予患上急性肝衰竭的胞弟。弟弟手術後不幸出現腦水腫，令腦細胞壞死一半，自此失去活動能力，要由哥哥悉心照顧。潘先生感到，捐肝後兄弟二人有更深連繫，更令他擔心弟弟情況，「真係晚晚都瞓唔到，瞓到就會夢見細佬，有一晚，夢見佢叫阿哥救我」。
排泄物滲漏 背脊醃到爛
以往弟弟住院，已不時發炎、敏感甚至瘀傷，例如因排泄物滲漏，「試過醃到背脊皮膚爛，耳仔發炎又試過，可能係沖涼入水無人理，而佢係唔識得講，要我做阿哥嘅去睇住佢」。弟弟2月中覆診，潘先生曾衝入病房見弟弟一面，但情況令人擔憂，「入到去發覺佢塊面好污糟，好多眼屎鼻屎、分泌物；打開張被，背脊出晒紅疹、甩皮，再無人理佢，肯定會出血」。
家屬明白要共渡時艱抗疫，接受院方就保護衣物建議，亦會自費購買防護衣等裝備，他們只望當局可以嚴謹及有限制地，放寬予家屬入院照顧病人。潘先生說：「疫情咁樣，無人知道幾時會完幾時解封，咁封閉嘅病房，半年唔定，一年又唔定，咁唔通一年唔使見咩，係咪？」
■記者黃翠儀