香港男籃幾經波折下，終在周四出發到澳洲，備戰本月23日在布里斯班上演的FIBA亞洲盃外圍賽。在12人大軍名單中，葉耀邦（邦邦）首次入選成為大港隊的新血，這位21歲中鋒直言美夢成真：「由細到大都希望入到香港隊，係一種榮幸。」
邦邦在2017/18球季帶領拔萃男書院在學界包攬3冠（九龍區D1學界、精英賽及籃球馬拉松），以及上季協助香港城市大學在大專封王，過往為港青代表隊常客的他，也憑出色表現獲徵召入大港隊。年僅21歲的他直言為入選大港隊而感到興奮：「好興奮，可以為大港隊出戰國際大賽，因為係第一次出戰呢啲成人賽事，都冇諗過咁細個可以打大港隊。」
作為隊中年紀最輕的球員，邦邦坦言會抱學習心態應付今次賽事，若有上陣機會的話，他亦會竭力為球隊作出貢獻：「我會做多啲dirty work，呢度最強唔係我，得分能力最強都唔係我。希望可以幫球隊搶籃板，做多啲苦工。」
港籃主帥安慶健則表示，邦邦雖未夠火喉，但希望這位1米95的中鋒可吸取經驗，將來成為獨當一面的球員：「好似以前蔡再懃同梁兆華第一次跟我出去打亞錦賽，都係一個後備球員，但佢哋可以睇吓班大師兄，再增進自己見識，到𠵱家接到棒上嚟。」
記者：許嘉明