【本報訊】「呼……」吹熄26歲生日蛋糕蠟燭，一覺醒來，是男護士Eric加入醫院dirty team（照顧懷疑或確診患者隊伍）工作的第一天。為免將危險帶給家人，他展開獨居生活，避免和家人朋友聚餐。對抗疫症，同時要對抗孤獨，但願這份孤獨有期限，「基本上喺四面牆中間，自己一個……希望真係可以平安無事出返嚟，見返佢哋，咁就好喇」。
Eric在公立醫院任職兩年半，正修讀護理學碩士，今年2月生日前不久中籤，要到隔離病房工作六個星期，進入病房日子正正是生日翌日。他笑言，自小便沒有抽獎運，沒想過這麼快便輪到自己，「覺得有啲晴天霹靂，不過鎮定之後，就覺得點都要有人做嘅」。 隔離病房醫護多數會選擇獨居，若所屬醫院宿舍爆滿，院方會給予大約每更500港元住宿津貼，他匆匆找到住處，帶上行李箱便從家裏搬走。
最難一關，是向家人開口，「有一個細佬聽到有啲激動，媽媽問有冇可能唔返工？唔去？」生日當晚和家人吃了豐盛一餐，和朋友吃了糖水，下次再相聚，大概是一、兩個月後，「話等我出嚟、唔好死」。他聳聳肩，語帶無奈卻又堅定，「既然係自己職責，叫得你救人咁咪去做，總之每日返工見到仲有足夠防護裝備，都會繼續盡我職責」。
「我一定會無事咁出返嚟」
進入防疫戰場最前線已有一個多星期，平均一日要用三、四件保護衣，因到不同病房時要更換以免交叉感染，「每日都係收下懷疑個案，標準係抽佢鼻翼分泌物化驗，之後度下血壓派下藥，會儲多幾樣嘢入去一次過做」。
母親不時會送來飯菜，亦為兒子準備了一瓶瓶保健品，「有魚肝油、藍莓乾、維他命C等等，保眼保肝，佢係咁提我要食。」他希望家人保重身體，亦不用太擔心自己，「暫時喺隔離病房都仲係安然無事嘅，自己都暫時無咩唔舒服，我會好快……一定會無事咁出返嚟」。
■記者黃翠儀