【本報訊】隔離中心早前被揭有營友違規，集體到戶外收Wi-Fi訊號和吸煙，負責接送高危人士到隔離營的醫療輔助隊隊員天佑（化名）質疑，警察有執法權力，「點解唔搵佢哋或者輔警？」他亦發現，隔離中心初期開放時準備不足，「得條水喉消毒，車廂我自己搵火酒紙抹。始終有風險，又唔係靠你開飯，冇咩人想當更」。
加薪$400無人願當值
已效力醫療輔助隊10年的天佑指，麥理浩營初期似未準備好，「1月尾車個VIP入營，等咗20分鐘都冇人接，去到消毒區得條水喉，車廂我自己搵火酒紙抹」。天佑時薪約$40-50，一更八小時。現時政府向民安隊和醫療輔助隊開出連續八小時當更，累積24小時便可獲得（每一小時44.8元的津貼）以外的$400補水。天佑因有正職，現已沒當更：「加400蚊都冇用，去到3月已經冇人肯當更啦，始終風險高，最後可能要拍膊頭。」
剛從隔離營回家的䘙生署註冊護士C小姐則說，在隔離營中醫生和護士有自己的營舍。「度假村配套OK，客觀而言隔離營傳播病毒出外機會比較小」，但因營友始終屬高風險人士，「惟有一離開營舍就沖涼，返屋企又沖涼，喺屋企都戴口罩」。衞生署回覆指，檢疫中心有特定區域供有關部門為曾接截接受檢疫人士的車輛進行清潔和消毒。
■記者程詩敏