喬寶寶昨日到商台接受訪問，之前他從印度買1,000個口罩返港，但以炒價購入，他說：「一個口罩約兩毫子港元，但我買要5毫子，自己帶一篋返來，另外手提一啲帶上機，都係博一博，怕會被充公。」他已把九成口罩送給有需要的人，自己約留30個。
之前喬寶寶聯同食店老闆派口罩，有拿不到的人大罵，喬寶寶表示明白：「預咗，香港地做乜都有投訴，我只想幫人，想帶頭等啲熱心人出手做，有人先行出嚟。嗰次做完都係好例子知咁樣派會唔好，之後我哋已聯絡區議會，幫忙派籌派發。」因疫情影響，喬寶寶原本下月11日到韓國拍ViuTV旅遊節目，但要下月初開會研究是否出發。
採訪：王連連
攝影：陳俊強