PK鄧絕世好橋，用無罩煲煙飯敍，轉移黃埔警黑泊住開房開香檳的惡行視線，將視頻廣傳，相當成功，招致師奶阿叔狂抦，一件髒的，蓋過另一件更髒的。
跟翻蒸後殺唔到菌的老海鮮偽人唱K，委屈了，難為四點鐘那批認定自己很快升職的乜蛇物蛇，至驚與會者那位警棍襲市民被判罪成的朱蛇行埋，沾了皇氣（97前叫皇家飯）好黑仔㗎嘛。拜關帝的黑警，冒住衰氣纏身高危參加飯敍，無非是聽令PK，佈局搵偽人老海鮮做道具，扮蠢吹水，造成話題，使命必達：
一，承認差佬唔識當差，全靠睇戲學，等於向政府宣告，精精地做番齣溫馨喜劇，去年拍開那套留島不留人，與目前拍緊的生化喪屍三級驚恐片，都要cut。將變種差佬屍襲香港人的劇本扭轉，搵成龍做特首，一定得。（中國的會爆，佢會搵到千七萬非洲口罩）
二，黃埔的警黑飯敍，小菜一碟，間接忠告市民，想差佬開香檳？抑或開槍？二揀一，敬酒唔飲？邊會咁笨。
三，差佬無罩狂歡暢飲，做晒戲，幫餐飲業打氣。差佬高調救市，用盡9.5億補水㗎喎，廿蚊張宇人，你做過乜？22日office alone晒命的羅公公，你做過乜春？曾志偉的「食屎歌」，送晒畀一格都冇用的你。