雨僑及羅力威結婚兩年，一直享受二人世界，昨日兩人趁情人節宣佈將為人父母，分享喜訊。雨僑昨日在Ig貼出與老公羅力威的甜蜜依偎照，形容腹中的小生命是耶和華所賜的產業：「感謝主賜給我們這個寶貴的小生命，不知道你會比較像爸爸還是媽媽呢？」又貼上兩人的童年照及寶寶的超聲波照片，可見雨僑與羅力威期待小寶寶的喜悅心情表露無遺。
羅力威也有在Ig分享喜悅，鬼馬表示：「從此食飯多雙筷喇！」他感到天主的祝福和當母親的偉大，又搞笑叫小寶寶「高抬貴手仔」錫住媽媽，羅力威寫道：「我相信媽媽亦都會好小心錫住你，唔食大辣，同媽咪好好相處，知嗎？c u later luv u！」這位準爸爸字裏行間，處處透露愛妻號及二十四孝爸爸的心情。
口味無酸不歡
目前雨僑已陀B三個月，身體適應上還算不錯，只有輕微不適，但口味就有變化，變成無酸不歡，雨僑說：「頭三個月都會有少少唔舒服，突然間喺salon洗完頭起身好暈，嚇死我以為乜事，不過唔嚴重，我知道冇嘔都唔算辛苦，食嘢就麻煩少少，日日唔同口味，但主要都係酸嘢就開心啲。」因為這原因，她表示在這段日子內並沒特別進補：「嗰啲花膠、雞湯heavy嘢，全部都令我好反胃，所以冇乜進補，都係正常三餐，而且BB嘅size OK，我唔諗住催谷佢。」
「又食飯就想嘔」
雨僑昨日回覆《蘋果》時，透露預產期在今年8月，目前留家避疫安胎，又大讚老公羅力威照顧周到，她說：「老公煮咗三個月飯，佢係完全唔識煮飯嘅，開頭真係食到我好驚，一諗到又食飯就想嘔，我又唔想hurt到佢，好感恩好彩冇乜嘔，𠵱家佢廚藝進步咗好多，我成日開啲男人教煮飯嘅節目等佢睇。」至於生仔定生女，雨僑表示無所謂，稍後才公佈BB性別。
採訪：陳定