陳健安（On仔）原定於本月28日在灣仔伊利沙伯體育館舉行首個個人演唱會，前日宣佈因應武漢肺炎疫症肆虐而延期舉行。
On仔在社交網貼出延期公告，並表示於這段時間一直留意疫情發展，雖然已有心理準備要延期，但只要有1%機會，他亦會繼續準備，他留言：「直到收到消息一刻，仍然係會唔開心同流咗少少眼水，會喺度諗：『On diet咗3、4個月、健身跑步咗5、60次、背咗歌詞個幾月、練歌、幾時先可以同大家分享成果……』不過好快，我又諗：『有多啲時間準備，一定一定可以再做得好啲。』冇嘢比健康同生命更重要。多謝每位族人嘅支持同關心，希望你哋體諒，有最新消息會盡快通知大家。呢段時間大家專心抗疫，繼續盡做。到時除低口罩，健健康康，見證我嘅第一次。LOVE」
撰文：栐仁